Dear Atty. Golo,
Naa man kaha sa bibliya nga kon may pagtoo, masulbad ang problema. Di na ko motoo nga masulbad pa ning Kurapsyon sa Pinas. Tanang politico mga Kurap. Maayo patyon sila tanan. Inig eleksyon manghatag kintahay, kinawat diay. Dawat pod me kay iyawat na lang. Maayo ni sila tokhangon. Kapin ra libo ang mga politico. Patay gani ang 20 mil ka adik sa una. Dapat ang makapatay og politico dili ma priso kay “self-defense” man sa governo, insakto ko?
Naglagot,
Pagot
Dear Pags,
Sayop ka. Kon makapatay ka og politico, seguro ka ma priso. Relax lang. Masulbad lagi ang kurapsyon kon motoo ka (Luke 17:6). Tu-o nga ikaw ang nakaingon nga daghang kurap nga politico kay imo gibaligya ang imo boto. Kay ikaw may nagsugod sa kurapsyon, tu-o nga ikaw ra pod ang makasulbad niini. Sa 2028, ayaw ibaligya ang imo boto, alisdi ang di na papuli nga politico, alisdi og bag-o aron ang governo mabag-o. Tu-o nga kaya ni nimo.
ImoAmigo,
Manny G.Golo
Manny G. Golo (EV Mail OCTOBER 13-19, 2025 issue)
