Dear Atty. Golo,
Abtik ang mga Mayor mo “issue” og Memorandum nga way klase kay bagyo. Peru, wa hinoon mag “issue” og Memorandum nga undangon ang Kurapsyon. Naminaw ko sa Senate Hearing, ang tanan proyekto sa DP, gipangayo-an og Komisyon sa Congressman. Apil pod ang Mayor? Adto eleksyon, tag 5 mil palit sa boto basta “straight vote” para sa Mayor, Congressman og Governor, dawat man gani ko. Dihay nag post sa kawayan nga tulay sa Brgy. Calubihan, gikasab-an kay nagpataka. Nahadlok na lang hinoon. Ngano arogante man ang mga Politiko?
HapitMalipong,
Opong
Dear Ops,
Ang Mayor gihatagan og gahum pagsuspenso sa klase o sa trabaho kon dunay bagyo (RA 7160). Bahin sa kurapsyon, dili na kinahanglan isyohan pa og memorandum kay may mga balaod na kita nga nagdili sa pangurakot. Peru, ang mga politico di na managana pagpangokarot kay ila man gipalit ang ila pwesto. “Feeling nila,” hari sila. Ang katawhan, ulipon na lamang. Panahon sa kampanya, ang mga tawo ulog-ulogan, palami-lami-an og paliton. Inig human, pasalamatan. Karon, ang katawhan gikawatan og gipamotbotan. Kon moreklamo, kasuk-an.
ImoFriendSaFb,
MannyG.
Manny G. Golo (EV Mail SEPTEMBER 22-28, 2025 issue)
