Dear Atty. Golo,
Pakauwaw lang si Gen. Torre. Nag boksing-boksing bisan wa si Mayor Baste. Imbis boxing, maayo pa mag “contest” sila og “swimming” kay nagbaha man. Tinood, gibulsa ang pundo sa “flood control?” Lipay ko nabasura ang “impeachment.” Sakto jud di pwede kaduha mag “impeachment.” Ang utang, dapat kausa lang pod tinglon. Naglagot ko ni Risa kay kada kita namo maningil sa utang. Ako na gibalibaran, sige gihapon paningil. Di mauwaw. Di ba way ma priso sa utang og “impeachment” pareho ra diay sila? Kapin kaduha na man ko gitinglan sa utang, pwede ako ipa “dismiss” ang utang?
ProtectSara,
Mara
Dear Mars,
Matud ni Gen. Torre, kadto gihimo nga “boxing” para sa “charity.” Igo lang siya mibawos sa hagit ni Mayor Baste. Ang ato mga “leader,” dili dapat maghinagitay, mora na hinoon og mga batang gagmay. Ang “flood” wa ma “control” kay ang kurapsyon kusog pa sa baha. Dili pareha ang utang og “impeachment.” Ang “impeachment” dapat kausa lang ma “initiate” sa usa ka tuig (Art. XI, Sec. 3 (5), Constitution). Ang utang, bisan kapila tinglon. Kini tungod kay naa man poy mangutang nga hingalimtanon, pareha nimo. Peru, ayaw lang kagu-ol sige ka tinglan, kay di man ka ma “impeached.”
Imo Amigo,
Manny G. Golo
Manny G. Golo (EV Mail JULY 28-AUGUST 3, 2025 issue)
