Dear Atty. Golo,
Na “stress” ko sa langaw sa Matalom. Asa man ta mosombong? Adto kono ni Tulfo, layo man. Wa diay duol? Maayo pa ang Hilongos kay naa nay Jolibee. Ang sa Matalom, Langaw Bee. Maayo pa mobalhin og puyo sa Hilongos. Ang ako bana di mo biya sa Matalom kay naa iya sangutan. Songotan gani ko, ako siya biyaan. Magkuyog me sa ako anak sa Jollibee. Ganahan ako anak magtan-aw sa buyog. Daghan kwarta taga Hilongos. Sa ato, langaw ray daghan. Maglagot gani ko, mobalik ko sa bukid aron magrebelde.
RebelReturnee,
Ka Sisa
Dear Ka Sisa,
Ang problema sa langaw pwede masolban sa “local level.” Mga lokal ra ning mga langawa. Basta puwag lubot, taga ato ra na. Di na kinahanglan moadto pa ni Tulfo. Ang mga lokal nga opisyal dunay gahom og responsibilidad pagsumpo sa langaw ubos sa “General Welfare Clause” (Sec. 18, RA 7160). Okey ra ka mobalhin og puyo, imo man nang katungod. Dad-a ang imong anak og bana. Ayaw pagbalik og rebelde. Kon gusto jud ka magpabukid, pwede ka didto mananom og kamote, kay makawa na sa “stress” sa langawbee.
ImoAmigo,
Manny G.
Manny G. Golo (EV Mail JULY 7-13, 2025 issue)
