Dear Atty. Golo,
Dihay misimba ko, ang Pari mibasa sa ebangelyo “about” sa Dato na Inferno og Pobre, na Langit, motoo ka? Ang pobre ang pangan Lazaro, ang Dato wa nganli. Maayo unta si Tambi o si Taldy Co, mokatawa jud ko. Peru, ang politico kusog man moamot sa simbahan. Si Congressman mihatag P 5,000 sa kapilya, malangit to siya? Ang Contractor og ang taga DP, miangkon na sa anomaliya sa mga proyekto. Ang poltico ray wa mo angkon. Inig eleksyon, makadaog kay mamalit og boto. Leader man gani ko. Ngano makadaog ang mga kurap?
Ex-PurokLeaderTeamUnity,
Liberty
Dear Liberty,
Motoo ko sa Ebanghelyo (Luke 16:19-31). Ikaw, nagduha-duha diay ka? Si Congressman nga miamot sa simbahan, wa man ta kahibawo kon ang iya gihalad iya to sweldo. Peru, kon gikan to sa Ghost Project, di jud ganahan ang Guinoo. Kay ang halad nga Iya gikahimut-an, dili ang gidak-on kon dili nga kini kinasingkasing (Mk. 12:41). Ang mamalit og boto, kurap numero uno, modaog tungod sa mga Leader og botante nga Uto-uto, pareha nimo. Maayo pa iuli to nimo imo nadawant nga halin sa imo boto, kay basin kadto maka inferno nimo.
ImoAmigo,
MannyG.Golo
Manny G. Golo (EV Mail September 29-October 5, 2025 issue)
