Dear Atty. Golo,
Ngano naa may National Heroes Day? Kada eleksyon, amo gibaligya amo boto kay nagtoo me nga buotan ang mamalit og boto. Peru, ang mga politico nag kinawatay. Ang “flood control projects” nga binilyon, “ghost project” man. Gikawat sa mga Politico. Maayo tingali pamatyon ni sila aron maundang ang kurapsyon. Ang drug pusher patay man gani nga tag P500.00 ra ang sachet shabu. Sila pa nga binilyon ang gikawat. Kon makapatay ko og politiko, ma “hero” ko?
Di Gusto’g Kurap,
Little Erap
Dear Little Erap,
Ang pagsaulog sa National Heroes Day, gimbut-an sa balaod (RA 9492). Kini aron maghandom ta sa mga Pilipino nga naghalad sa ilang kaugalingon aron kita moasenso. Ang kinawatay sa mga proyekto sa governo tungod na sa mga kurap nga politico. Ang namalit og boto maoy kurap numero uno. Kon imo sila mapatay, ma priso ka. Ang tinood nga hero, andam magpakamatay alang sa nasud. Ayaw na ibaligya ang imo boto. Kon mahimo, pakamatyi imo boto aron ka ma hero.
Imo amigo,
Manny G. Golo
Manny G. Golo (EV Mail AUGUST 18-24, 2025 issue)
