Dear Atty.Golo,
Daghan na pod langaw, pwede isumbong sa pangulo? Peru, “flood control” man ang “focus” nila, modawat sila og reklamo sa langaw? Wa man gud mahimo ang Kapitan kay mag-agad lang siya sa Mayor. Ang Mayor pod mag-agad sa Congressman. Unya, ang Congressman, “flood control” may kinaham. Di na jud masulbad ang langaw? Trilyon na man kaha nakawat sa “ghost project,” tinood? Ngano kurap man ang mga politico? Abe namo nga mangihatagon kay singko mil man ila panghatag sa eleksyon. Nag-ilog gud me’g dawat.
Ex-MuseSaTeamUnity,
Charity
Dear Charity,
Ang mamalit og boto, kurap numero uno. Ang kwarta nahurot, ang “project” nahimong “ghost.” Pag eleksyon, nagtuo ka ang imo nadawat pahalipay, kinawat diay. Ang Kapitan og ang konseho, pwede mohimo og Resolusyon pagsupak sa langaw. Ang Mayor pod, pwede mo “revoke” sa “permit” sa mga poultry nga nagda’g langaw (Sec. 444. RA 7160). Peru, kay gibaligya na man nimo ang imo boto, di na nila tagdon ang imo reklamo. Gibayran na mo. Ang politico minilyon, ang botante “GhostNgaProject” pakapinan “RealNgaLangaw.”
ImoAmigo,
MannyG.Golo
Manny G. Golo (EV Mail SEPTEMBER 15-21, 2025 issue)
