Dear Atty. Golo,
Naglagot ko ni Vice Ganda kay iya gibulbugalan si PRRD. Joke ra man ang Jestki, ngano iya man balikbalikon. Maayo patyon nang kabayoa na. Kon mapatay si Kabayo, di ko ma priso kay di man na siya tawo. Pareha na siya sa mga Adik nga mga sagbot. Kon mapatay ang sagbot, di man ma priso. Kon mapatay pod ang kabayo nga mikaon og sabot, dili pod ma priso. Kami mga DDS, di jud me mosogot nga si Tatay Digs bugalbugalan. Maayo pamatyon ning mga sagbot, kabayo, dilawan og pinkalawan aron moasenso ang Pilipinas. Hudton nato sila, puslan man.
Nasuko,
Dado
Dear Dads,
Relax lang. Si Vice Ganda, tawo. Kon “joke” ang Jestki, “joke” ra pod tong iyaha. Ngano masuko man ka, wa man niya hinganli si PRRD. Kon gusto ka moasenso ang Pinas, ayaw na bahin-bahina ang mga tawo. Puros ta Pilipino. Ang DDS, Dilawan, Pinklawan, Sagbot og Kabayo, huna-huna lang na nimo. Si Vice Ganda tawo. Dunay lawas og kalag, parehas nimo. Krimen nga “Murder” o “Homicide” ang pagpatay og tawo. Pwede ka mapahamtangan og silot tibook kinabuhi pagka priso (Art. 248, RPC). Aron ang Pinas moasenso, huna-hunaa nga kita mga Pilipino, og Tawo.
Imo Amigo,
Manny G. Golo
Manny G. Golo (EV Mail AUGUST 11-17, 2025 issue)
