Dear Atty. Golo,
Tinood, gi “dismiss” sa Supreme Court ang “impeachment” ni VP Sara? Sayang ang tag 150 Million nadawat sa mga Kongresista. Mao tali gi “dismiss” kay wa maapil sa “budget” ang Supreme Court. Peru, pwede pa man kaha mag “impeachment” sunod tuig. Dagko na pod madawat mga Kongresista. Ang Supreme Court iapil pod na sa “budget.” Maayo bitaw tagaan og dakong kwarta ang mga Kongresista. Peru, ngano dili man “uniform” ila panghatag. Sa last “election” dihay Congressan nanghatag tag 5 mil. Ang uban tag kinyestos ra. Dapat pareha.
Nalipay,
Mrs. Tipay
Dear Mrs. Tipay,
Segun sa balita, gi “declare” nga “unconstitutional” sa Supreme Court ang “impeachment” batok ni VP Sara tungod sa duha ka hinungdan. Una, nalapas ang “one impeachment rule in one year” (Art. XI, Sec. 3, Constitution). Ikaduha, wa mahatagi og “due process” si VP. Wa maghisgot og kwarta. Ang panghatag sa mga Kongesista niadtong “election” palit kadto sa boto. Dili pareha ang presyo sa palit, peru pareha ra ang silot, “six years” pagka priso. Kon dili “fake news” nang imoha, isumbong sa Comelec aron mapriso ang inyong Kongresista.
ImongAmigo,
Manny G. Golo
Manny G. Golo (EV Mail JULY JULY 21-27, 2025 issue)
