Dear Atty. Manny,
Naa man kahay sementeryo nga gibaha-an, lisod ang pagpanagkot. Pila kahay gikawat sa Flood Control Project nila? Luoya sa mga kalag oi. Naapil pa sila sa mga kurap nga Contractor, taga DP og mga Politiko. Naa pa silay mga kalag? Ngano mangurakot man sila, nga datu na, gamhanan pa, gwapo og sikat. Ako way kwarta, dili sikat, way gahum. Gwapo ra tawon ko. Naay inferno? Kon wa, alkanse ta. Maayo pa mangurap na lang pod ta kay wa may baha sa Inferno, ha..ha..
GanahanMaKurap,
Mr. HarapHarap
Dear Mr. Harap-harap,
Segun sa balita, gibahaan ang sementeryo sa Hagonoy, Bulacan. Binilyon ang ila Flood Control Project nga gituohang gisurikbot sa mga Kurakot. Ang tawo dunay lawas og kalag. Inig kamatay sa lawas, adto punta sa sementeryo. Apan ang kalag, moadto sa langit o sa inferno. Kon magbinuotan ka, langit imo puntareya. Peru, kon magminaldito, itambog ka sa Inferno (Mat. 13:42). Naay Inferno. Ayaw ka adto. Bisan way baha didto, pulos kalayo ang toa sa Inferno, hu..hu..
ImoAmigo,
Manny G. Golo
Manny G. Golo (EV Mail OCTOBER 27-NOVEMBER 2, 2025 issue)
