MERIDA, LEYTE – Nangandoy ug hustisya ang pamilya sa Barangay Tanod nga gituhoan nga gipusil mga alas 5:30 sa sayong kabuntagon niadtong Septiembre 10, 2025 didto sa Brgy. Poblacion, lungsod sa Merida.
Pagkasabot sa kapolisan kalabot sa insidenti, dali nilang girespondihan ang lugar ug naabtan nila ang usa ka lalaki nga wala nay kinabuhi. Naka usmod sa yuta ang lawas tapad sa iyang e-bike. May samad kini nga gituhoang agi ug armas o pusil.
Giila ang biktima nga si alyas “Boknoy,” 32 anyos, Barangay Tanod, ug residenti sa Brgy. Poblacion, Merida, Leyte. Nagpahigayon usab ug Crime Scene Processing ang taga Leyte Provincial Forensic Unit (LPFU), samtang nagpadayon ang imbitigasyon sa Merida Municipal Police Station aron maila ug masikop ang nag-among-among sa biktima. Lakip na ang pagsubay sa motibo sa maong krimen. (Ni Josie Serseña/ EV Mail SEPTEMBER 8-14, 2025 issue)
