VILLABA, LEYTE – Dakpan ang usa ka High Value Individual (HVI) samtang naka ikyas ang iyang kauban atul sa buy-bust operation niadtong Oktobre 14, sa Brgy. Poblacion Del Sur, ning lungsod.
Ang hiniusang pwersa naglakip sa PNP DEG-Special Operations Unit 8 (DEG SOU) isip lead unit, kauban ang Villaba Municipal Police Station (MPS), Regional Intelligence Division 8 (RID), Regional Police Drug Enforcement Unit 8 (RPDEU), Provincial Drug Enforcement Unit (PDEU)-LPPO, og PDEA Regional Office 8.
Ang mga suspek mao sila si alyas “Jojo,” 39 anyos, minyo ug usa ka mag-uuma. Ang iyang kauban naila nga si alyas “Leo,” 40 anyos, olitaw, walay trabaho ug gipangita pa sa autoridad hangtod karon.
Nakompiska sa HVI ang lima (5) ka medium-sized sachets sa gidudahang shabu, buy-bust money, og usa ka gray belt bag. Kon unsay timbang ug pilay kantidad sa mga illegal nga drugas kompirmahon pa sa RFU 8. Hinuon, giandam na ang kaso nga paglapas sa Sections 5 and 11, Article II sa Republic Act No. 9165 (Comprehensive Dangerous Drugs Act of 2002) aron isumiti sa korte. Ni Josie Serseña (EV Mail OCTOBER 13-19, 2025 issue)
