ORMOC CITY – Usa ka buy-bust operation ang gilunsad sa taga Ormoc City Police Office (OCPO), nga niresulta sa pagka sikop sa usa ka High Value Individual (HVI) niadtong Agusto 19, 2025 sa OSCO Compound, Brgy. Ipil, Ormoc City.
Giila ang suspek nga si alyas “Nel,” 49 anyos, jobless ug residenti sa Brgy. West ning dakbayan. Kauban pod sa operasyon ang taga Ormoc City Drug Enforcement Unit, Ormoc City Police Station 1 (OCPS-1), City Intelligence Unit og CIT-RIU8.
Nakompiska nga mga ebedinsya gikan sa posisyon sa suspek ang upat (4) ka heat-sealed transparent plastic sachet nga dunay white crystalline substance o ang gidudahang shabu. Ingon man ang “genuine subscribed five hundred peso bill” (PHP500.00) nga buy-bust money, ug usa ka five hundred peso bill (PHP500.00) isip bogus money, ug ang coin purse.
Gikustodiya na ang suspek sa OCPS-1, kinsa mag-atubang ug kalapasan kontra RA No. 9165, o Comprehensive Dangerous Drugs Act of 2002. (Ni Josie Serseña/ EV Mail AUGUST 18-24, 2025 issue)
