KANANGA, LEYTE – Nasikop ang lalaking walay trabaho o “jobless” sa hiniusang pwersa sa Kananga Municipal Police Station (MPS), PNP DEG SOU 8, sa buy-bust operation didto sa Poblacion sa Kananga pasado alas sais sa gabi niadtong Agusto 14, 2025.
Ang suspek giila nga si alyas “Loloy,” 35 anyos nga residenti sa Sitio Laray, Brgy. Rizal, Kananga, Leyte. Apil siya sa kategorya nga Street Level Individual (SLI). Nasayran nga kanhi na kini napriso sa kaso gihapon sa illegal nga drugas.
Sa operasyon, nakumpiska sa iyang posisyon ang walo (8) ka heat-sealed transparent plastic sachet nga may sulod nga gidudahang, gamay nga pitaka sa sinsilyo ug ang marked money. Ang tanan nga nakompiskang ebidensya gidala sa Ormoc City Forensic Unit para sa dugang pagsusi. Ang suspek gikustodiya na sa Kananga MPS kinsa mag-atubang sa kasong paglapas sa Section 5 og Section 11 sa Article II sa Republic Act No. 9165, o ang Comprehensive Dangerous Drugs Act of 2002. (Ni Josie Serseña/ EV Mail AUGUST 11-17, 2025 issue)
