SAN ISIDRO, LEYTE – Arestado ang usa ka lalaki nga giilang si alyas “Makmak,” 25 anyos, walay trabaho ug residenti sa Sitio Motor, Brgy. Crossing, San Isidro, Leyte.
Nag-atubang siyag paglapas sa Republic Act No. 9262, kon ang Anti-Violence Against Women and Children Act, tungod sa iyang pag dagmal sa iyang ka pares (live-in partner) niadtong Oktobre 15.
Sigun sa tahu, usa ka concerned citizen ang nitawag sa San Isidro Police Station aron ipahibalo ang nasangpit nga panghitabo. Sa pakig hinabi sa autoridad sa biktima didto sa nahitaboan, nitug-an kini nga gisinuntok sa suspek ang iyang baba og ulo, dayon gitu-ok usab siya sa liog.
Ang biktima gidala sa Rural Health Unit para matambalan. Samtang ang suspek naa na sa kustodiya sa kapolisan ug gipasakaan nag kaso ilawom sa Republic Act No. 9262, kon ang Anti-Violence Against Women and Children Act. Ni Josie Serseña (EV Mail OCTOBER 13-19, 2025 issue)
