ORMOC CITY – Arestado ang usa ka karpentero human kini nakuhaan ug shabu sa gipahigayon nga buy-bust operation didto sa Tzu Chi Village, Brgy. Liloan ning dakbayan, niadtong Agusto 5, 2025.
Ang mga operatiba gipangunahan sa Ormoc City Police Station 3 (OCPS-3), sa koordinasyon sa mga taga Philippine Drug Enforcement Agency 8 (PDEA-8).
Nasikop nila ang usa ka (1) Street Level Individual (SLI) nga si alyas “Mike,” 47 anyos nga residenti sa lugar kinsa naka lista isip SLI.
Nakompiska sa iyang posisyon ang usa (1) ka heat-sealed transparent plastic sachet ug laing lima (5) pa ka paketi sa gidudahang shabu. Ingon man usab ang five hundred pesos (PHP500.00) nga tibuok nga gigamit nga buy-bust money. Sa pagdakop sa suspek, gipasabot kini sa iyang katungod base sa Miranda Doctrine, dayon gidala na sa estasyon diin siya gikustodiya, ug nag-atubang sa kaso kontra illegal nga drugas. (Ni Josie Serseña/ EV Mail AUGUST 4-10, 2025 issue)
