CARIGARA, LEYTE – Napuhag ang usa ka drug den ug niresulta sa pagka sikop sa lima (5) ka suspitsado atul sa operasyon kontra illegal nga drugas sa Brgy. Ponong, lungsod sa Carigara niadtong Oktobre 5, 2025.
Puros ra usab residenti sa lugar ang nahisgutang mga nadakpan.
Ang pagka dismantle sa lugar maoy produkto sa anti-drug operation ubos sa Philippine Drug Enforcement Agency (PDEA) Region 8 – Leyte Provincial Office og sa Carigara Municipal Police Station (MPS) Special Drug Enforcement Team (SDET), pinaagi usab sa pakig koordinasyon sa taga PDEA.
Nakuha sa autoridad gikan sa posisyon sa mga suspitsado ang onse (11) ka mga paketi sa gidudahang shabu, buy-bust money, ug cash. Ang mga ebedinsya gidala sa Regional Forensic Unit 8 alang sa eksaminasyon.
Human basahi sa ilang katungod base sa Miranda Doctrine gidala na ang mga suspek sa buhatan sa PDEA 8. Balhog na ang lima kinsa mag-atubang ug kasong kriminal tungod sa kalapasan sa balaod kontra illegal nga drugas o ang Republic Act No. 9165. Ni Josie Serseña (EV Mail OCTOBER 6-12, 2025 issue)
