ORMOC CITY – Girespondihan sa mga personnel sa Philippine Coast Guard (PCG) Ormoc City Station ang barko sa Lite Shipping human kini maaberiya sa dagat.
Sumala pa udto kini migikan sa Cebu padung sa Ormoc, niadtong Augusto 7, 2025.
Dugang pa nga samtang naglawig ang maong barko ug sa bana-bana sa mga pasahero, mga usa ka kilometro nalang duol sa pantalan sa Ormoc dihang napagngan sa makina. Sigun sa naandan ug regular nga byahi mga alas 6:00 sa hapon, modunggo na kini sa pier sa Ormoc.
Matud pa usab duna kini 88 ka pasahero nga sakay. Gikinahanglan pang birahon sa tugboat aron madala didto sa pier. Nasayran nga giatiman sa taga barko ang mga pasahero labi pa nga pasado alas 9:00 na sa gabii hingpit nga nakadunggo tungod sa pagka dilatar. Luwas ra ang tanan pasahero ug mga kargaminto sa maong barko. (Ni Josie Serseña/ EV Mail AUGUST 4-10, 2025 issue)
