ORMOC CITY – Tolo ka suspitsadong pulos Street Level Industrial (SLI) arestado, usa kanila menor de edad atul sa buy-bust operation nga gipasiugdahan sa taga Ormoc City Police Station 3 (OCPS-3), sa koordinasyon sa Philippine Drug Enforcement Agency 8 (PDEA-8) didto sa Barangay RM Tan, ning dakbayan niadtong Hulyo 7, 2025.
Giila ang mga nadakpan nga sila si alyas “Jungle,” 33 anyos, taga Barangay Liloan, Ormoc City, “Kano,” 33 anyos, residenti sa Barangay Labrador, Ormoc City, og “Isay,” 17 anyos nga taga Barangay Labrador, Ormoc City.
Nakompiska sa posisyon ni Jungle ang usa (1) ka paketi ug laing lima (5) pa ka paketi nga dunay sulod sa gidudahang shabu, kauban ang usa ka tibuok five hundred pesos (PHP500.00) nga buy-bust money, kwarta nga one hundred ten pesos (PHP110.00), ug usa ka gamay nga container box.
Samtang si “Kano” nakuhaan ug usa (1) ka paketi sa gidudahang shabu. Ug nakuha gikan kang “Isay” ang usa (1) ka paketi sa gidudahang shabu og usa (1) ka pink coin purse. Gipasabot silang tolo sa ilang katungod base sa Miranda Doctrine, dayon gidala na sa OCPS-3 aron temporaryong e-kustodiya. (Ni Josie Serseña / EV Mail JULY 7-13, 2025 issue)
