KANANGA, LEYTE – Niadtong Septiembre 29, ang 93rd Infantry “Bantay Kapayapaan” Battalion kauban ang PNP SOCO, OCD8 gamit ang “ground penetrating radar” nakubkuban ang mga hinipusang mga armas didto sa Sitio Eraya, Barangay Cogon, Carigara, Leyte.
Ang operasyon gilangkuban usab sa specialized team sa mga personnel gikan sa Charlie Company, ubos sa superbisyon sa 93IB Battalion Commander nga si LTC Celeste Frank L. Sayson (GSC) PA.
Mga alas 11:25 sa buntag dihang na diskobrihan sa grupo ang gipang-lubong nga mga tag-as nga kalibre sa armas sama sa usa (1) ka M16 A1 rifle, usa (1) ka hand grenade, one hundred eighteen (118) ka live 5.56mm ammunition rounds para sa M16 rifles, tolo (3) ka 5.56 mm short magazines, usa (1) ka empty shell, duha (2) ka improvised blasting cups, ug usa (1) ka fragmentation grenade.
Ingon man usab ang mga suberesibong dokumento, apil na ang mga “ledgers” og notebook, osa (1) ka Lenovo tablet, backpacks nga may sulod nga sinina, klase-klasing mga medisina, may acupuncture paraphernalia pa. Matud sa militar resulta kini sa intelligence build-up gikan sa intelligence network sa sundalo nga miembro sa 93rd IB. Nagpahigayon sila ug “backtracking” sa mga panghitabo niadtong buwan sa Hunyo tali sa mga rebelding NPA nga naka-engkwentro sa nasangpit nga Municipalidad.
Ang Bantay Kapayapaan Battalion ug partner agencies, sa maka usa pa namahayag sa walay hunong nga paninguha pagpanalipod sa katawhan, busa dako ug gikatabang ang napalgan nga mga armas aron mohinay na ang mga pwersa nga naglaraw pagtugaw sa kalinaw partikular sa probinsya sa Leyte. Ni Josie Serseña (EV Mail September 29-October 5, 2025 issue)
