BAYBAY CITY – Patay diha-diha dayon ang parihong drayber sa motor ug angkas human nagsungag sa karsada ang gimaniho nilang motorsiklo tungang gabii niadtong Septiembre 29, 2025 didto sa may kurbada atubangan sa buhatan sa DPWH sakop sa Brgy. Hipusngo, dakbayan sa Baybay.
Sa inisyal nga imbistigasyon matud pa, kusog ang padagan sa usa ka motor ug pag-abot sa likoon naka lahos kini sa pikas linya sa karsada, hinungdan nga naka sungag niini ang gikasugat nga motorsiklo usab.
Tolo ang mga namatay sa disgrasya, naglakip sa 17 anyos nga lalaki nga estudyanti maoy drayber sa usa ka motor, ug residenti sa Brgy. Monterico, Baybay City. Dead on arrival kini sa hospital. Ingon man ang 25 anyos nga angkas niini nga taga Monterico gihapon. Dead on the spot usab tungod sa traumatic brain injury. Ang ika-tolo kinsa dead on the spot gihapon mao ang 51 anyos nga drayber ug taga Brgy. Union sa lungsod sa Mahaplag. Samtang ang 47 anyos nga babaying pasahero nga taga Surigao nadala sa hospital tungod sa samad sa ulo. Ni Josie Serseña (EV Mail September 29-October 5, 2025 issue)
