ORMOC CITY – Ni-alma ang mga negosynti sa giduso nga dos sientos pesos (PHP200.00) nga umento sa sweldo atul sa gipahigayon nga Sectoral Consultation on Minimum Wage Adjustment didto sa Sabin Resort Hotel niadtong buntag sa Agusto 27, 2025.
Sagad sa mga partisipanti nagagikan sa Management, Workers og Kasambahay.
Gipasiugdahan ang panag-tigum gikan sa Regional Tripartite Wages and Productivity Board VIII (RTWPB-8) ubos sa National Wages and Productivity Commission (NWPC) sa Department of Labor and Employment (DOLE), diin nag-presentar ang PSA, DTI, DA, DepDev sa estado sa tagsa-tagsa nila ka mga ahensya, nga mahimomg sukdanan sa pagahimuon nga disisyon unya kalabot sa dugang suholan.
Nag-dahum ang grupo sa mga Workers nga ang two hundred pesos (PHP200.00) per day nga increase sa sweldo, maka-ginhawa ra sila sa mga pamaliton, pletihan ug uban pang galastohan sa pamilya. Samtang dili kini maka-tarunganon alang sa sektor sa mga negosynti o Management; tungod kay sa gipahayag nga report sa statistics wala kaayo motaas ang presyo sa mga nag-unang pamaliton sama sa bugas, grocery ug uban pa, gawas lang sa produkto sa agrikultura labi na ang isda nga apektado partikular kon mag-daot ang panahon.
Hinuon, depensa sa mga taga Workers’ Sector nga suhestyon palang kini, gani matud sa taga DOLE nga hiusahon kini nga resulta sa Rehiyon Otso inig kahuman nila sa Southern Leyte ug Samar areas. Panapos naman sa mga negosyanti sa dakbayan sa Ormoc nga opisyal silang mag-sumiti sa ilang “Position” nga pag-dumili niini nga kantidad sanglit daghan pa ang pamaagi nga makatabang sila sa mga trabahanti. Ug dili tanan solusyon ang wage increase. Sama nalang sa ubang kompaniya nga may libring poy-anan sa mga empleyado, mga pa-grocery, bugas ug uban pa.
Samtang ang grupo sa mga Kasambahay nagkanayon nga kontento na sila sa six thousand pesos (PHP6,000.00) nga minimum buwanan nga suholan, ang uban gani sobra pa niini, dugang pa nga libre sila sa board and lodging ug pagkaon. (Ni Josie Serseña/ EV Mail SEPTEMBER 1-7, 2025 issue)
