BAYBAY CITY – Sa ikaduhang higayon pangunahan ni Baybay City Councilor Carmen L. Cari ang Philippine Councilors League (PCL)-Leyte Chapter human siya gipili niadtong Septiembre 12, 2025.
Ang una niyang termino isip PCL President sa Lalawigan tuig 2022-2025. Si Hon. Carmen L. Cari nidaog nga numero uno isip Sangguniang Bayan Member sa dakbayan sa Baybay niadtong National and Local Election niadtong Mayo 2025. Mahinumdoman nga nagsilbi na siya sa Baybay City isip Mayor og Kongresista sa 5th District of Leyte.
Pinaagi sa mosyon ni Baybay City Liga President Jules C. Cari, usa ka Resolution 2025-305 ang gipasar sa City Council sa Dakbayan nga pagpahalipay (congratulating) kang Hon. Cari sa maong posisyon. Ang pagka-pili kaniya isip Pangulo sa PCL usa ka dakong kadungganan ug angay ikapa sigarbo, sanglit naila na kini sa pagka aktibo ug puno sa dedikasyon. Ni Josie Serseña (EV Mail September 29-October 5, 2025 issue)
