BAYBAY CITY – Malamposon ang gilunsad nga operasyon kontra ilegal nga drogas nga gipahigayon sa Baybay City Police Station (BCPS), didto sa Barangay Candadam, Baybay City, Leyte, niadtong Agusto 14, 2025.
Ang suspek mao ang 40-anyos nga pedicab driver, may asawa, ug residenti sa nahisgutang dapit. Nahulog kini pinaagi sa usa ka underkober nga nagpakaaron ingnun nga kustomer sa maong buy-bust operation. Nakuhaan siyag tolo (3) ka paketi sa gidudahang shabu. Kasohan siyag RA No. 9165 (Comprehensive Dangerous Drugs Act of 2002) partikular ang Section 5 og Section 11 sa Article II.
Gisiguro sa kapolisan nga mapasabot sa suspek ang salaod nganu siya gidakop; ingon man ang iyang katungod. Gidala siya sa BCPS para kasamtangan ikustodiya. Sumala sa liderato sa kapolisan sa dakbayan nga dili sila mohunong pakig bisog kontra sa illegal nga drugas, ug dako ang kontribusyon sa komunidad sa kalamposan sa ilang operasyon, aron usab magpabilin nga malinawon ug luwas ang katawhan sa dakbayan. (Ni Josie Serseña/ EV Mail AUGUST 11-17, 2025 issue)
