ORMOC CITY – Nasikop sa taga Ormoc City Police Station 4 (OCPS-4) niadtong Hulyo 1, 2025 ang usa sa mga “most wanted person” og rank number one sa regional level ug station level sa krimen nga statutory rape, sexual assault ug acts of lasciviousness didto sa Brgy. Linao, Ormoc City.
Giila kini nga si alyas “Jun,” 35 anyos, minyo, mananagat ug residenti sa Brgy. Naungan, Ormoc City. Kasamtangan siyang naka-ditinir sa kustodiya sa OCPS-4.
Ang pagdakop sa suspek gipasikad sa Warrant of Arrest nga giisyu sa korte niadtong Hunyo 20 ning tuiga. Hinuon dunay PHP200,000.00 nga pyansa ang gitugot para sa sexual assault, laing PHP200,000.00 para sa acts of lasciviousness, apan walay gitugot nga pyansa para sa kaso niini sa statutory rape. (Ni Josie Serseña / EV Mail JUNE 30-JULY 6, 2025 issue)
