Dear Atty. Golo,
Diha lagi nag “post” sa facebook nga ang mga estudyante sa Grade 12 dili makaantigo og Eningles, unya gi “blame” ang “teachers.” Daghan nag “comment.” Magbuot diay sila kon ang mga bata dili ganahan og Eninglis? Ngano mag Eningles man nga mga Bisaya man ta. Daghang hiniti mo Eninglis kusog mangorakot. Inig eleksyon, wa nay limbong kay “strategy” na. Inig palit sa boto kay daghan og kwarta, ang gigamit daghan og “Resources.” Ang patay pod kon ang pulis pa-ingnon, gi “liquidate.” Lipat-lipat man ning Eninglis. Unsa man jud ang maayo, Binisaya o Eningles?
Imong “friend”,
Etes
Dear Ets,
Ang atong nasudnong pinulongan mao ang “Filipino” (Art. XIV, Sec. 6, 1987 Constitution). Ug palamboon kini pinaagi sa pag-abag sa ubang mga sinultihan, apil ang Bisaya. Makatabang kaayo ang pagkat-on sa “English” kay mao man kini ang “international language.” Ang pagkakurakot dili mag-agad sa sinultihan. Gamita ang mga maayong Eningles. Sa mga daga, ilang ganahan ang “Tall, dark and handsome.” Sa mga ulitawo, ang gusto nila nga chic, “wild, restless and romantic.” Ang “youth” tudloan og “love, sacrifice, hard-work, honesty, etc.,” kay sila ang “hope of our country.”
Imong Bisaya nga amigo, Manny G. Golo (EV Mail March 4-10, 2024 issue)
