Dear Atty. Golo,
May mga torista kono miadto sa nalunoran sa Titanic unya na disgrasya? Tinood diay nang “Titanic” abe nako og estorya lang sa sene. Gwapo ra ba ang dasbeda si Leonardo DiCaprio, mao nga ako gisugot si Andot kay Leonardo man iya ngan. Nagka minyo me. Peru, gibiyaan ko niya kay nasuko nga wa ko mouli iya ko giapas nga nag tong-it. Mga 2018 siya miadto sa Manila. Kapin 4 na katuig wa mouli. Kakita hinoon ko niya sa “Facebook.” Pwede na man kaha makaminyo kon kapin na 4 ka tuig nawa ang bana, tinood? Naa lagi nanguyab naho ron, si Narding, ang ngan Leonardo pod.
Kaminyoon,
Asun
Dear Asun,
Tinood ang “Titanic.” Nalunod ang maong barko didto sa Atlantic Ocean niadtong April 15, 1912. Ang nagda sa sene niadtong 1997 mao sila si Leonardo DiCarpio og Kate Winslet. Segun sa balita, may mga torista nga misakay sa gamay nga submarino aron motan-aw sa nahimutangan sa Titanic apan na disgrasya. Iampo nato sila. Bahin ni Andot, buhi pa siya. Gani, naa siya sa Manila og nakakita ka niya sa “Facebook.” Di pa ka pwede magminyo og usab (Art. 41, Family Code). Maayo pa, aron makabawos ka, apasa si Andot kay basin wa ma kauli kay na “busy” sa tong-it.
Imong amigo,
Manny G. Golo (EV Mail June 26-July 2, 2023 issue)
