Dear Atty. Golo,
Ang ako anak babaye, 22 anyos pa, gusto na magminyo. Di ko mosogot kay iya banahon paluhobog. Nasuko siya. Di na kono ko pwede magbuot kay gusto na siya mag “independent” naa man lagi “Independence Day.” Wa pay trabaho ako anak. Bag-o pa naka “graduate” pagka maestra. Ang iya banahon nagsalig lang sa pension sa iya “parents.” Pinangga jud nako si Jinky. Sa gamay pa siya ako palitan bisan unsa pangoyoon. Karon, dili na siya patoo nako nga maoy nagpadako sa iya bukog. Makasal ba sila kon dili ko mosogot?
Naglagot,
Bardot
Dear Bards,
Ang pagtogot sa ginikanan (Parental Consent) kinahanglanon kon ang edad sa magpakasal 18 ngadto sa 21. Kon labaw na sa 21 hangtod 25, tambag na lang ang kailangan (Parental Advice). Kon dili ka mohatag sa imo tambag, makakuha gihapon sila og “marriage license” tulo ka bulan ang molabay gikan sa pag “apply” (Art. 15, Family Code). Ang “independence” gipasabot sa imo anak mao tingali nga magkaugalingon na og puyo uban sa iya pamilya. May rason nga ikaw mabalaka kay amahan gud ka. Apan katungod pod in Jinky ang pagpili sa iya mabana kay siya ma’y modug.
Imong amigo, Manny G. Golo (EV Mail June 5-11, 2023 issue)
