Dear Atty. Golo,
Naglagot ko sa “news” nga gikasohan sa police si Awra, “fan” kaayo ko niya. Buotan na si Awra. Maayo kaayo mosayaw. Kadto hinoong “dancer” sa NBI nga nag-igwad igwad, wa kasohi. Di diay kadakop ang NBI nga diha man misayaw og binastos sa ila “meeting?” Ang “meaning” kono sa NBI, “National Bastos Investigation”, tinood? Unsa may kalainan sa NBI og police? Magsige ko tan-aw sa “video” sa you tube, ma “stress” ko nga ila gibutang-butangan si Awra. Niadtong unang buwan, dihay “news” nga usa ka unggoy namatay sa “stress,” tinood? Unsaon man nga di ma “stress,” unsa ako buhaton?
Gusto malipay,
Diday
Dear Dids,
Ang NBI, mao ang “National Bureau of Investigation.” Kini ang opisina moinbestigar sa mga krimen (RA 157). Ang “police”, gitahasan pagmantener sa kalinaw og kahapsay (RA 6975). Si Awra gikasohan sa police kay naglugnot-lugnot pagdakop. Ang NBI wa kadakop sa “dancer” kay nag-igwad-igwad man lang. Bahin sa unggoy nga na “stress,” wa ko kahibawo ana. Bahin nimo, ayaw ka “stress” kay di man ikaw ang gidakop. Maayo pa mag-ampo ka sa Guinoo, kay matud Niya, “Come to me you who are heavily laden for I will give your rest, for my yoke is easy and my burden is light” (Mat. 11:29-30).
Imong amigo,
Manny G. Golo (EV Mail July 10-16, 2023 issue)
