ALBUERA, LEYTE – Bulahan nga gisaw-an ning simanaha ang sagradong serimonyas sa kaminyuon (Mass Wedding) diin mismong si Mayor Sixto Dela Victoria ang nag preside alang sa 29 ka parisan.
Susama ka engradi sa pribadong okasyon ang nasaksihan sa mga sponsors og pamilya sa mga gikasal nga gi saulog didto sa ABC Multipurpose Building sa lungsod sa Albuera. Dunay mga dekorasyon sama sa buwak og balloons, cake, bino para sa mga gikasal ug uban pang talan-awon nga mahimo kining halandomon nga adlaw.
Niduyog usab sa programa ang mga SB Members pinangulohan ni Vice Mayor
Edang Fadul, Albuera Tourism Officer Francis Isabelle Sarsonas-Dayot, ug Hon. Glenn Loreto. Samtang niadtong Mayo 13 gisugdan na ang “chibugan” sa Albuera nga nahimotang didto sa Recreation Area daplin sa dagat luyo sa Albuera Public Market. Hangtod pa kini sa bulan sa Julyo og ma enjoy sa pamilya, mag barkada o bisan ka nag inusara ang lamian nga pag kaon, hilabi na sa adlaw nga Biernes, Sabado ug Domingo. Ni Josie Sersena (EV Mail May 22-28, 2023 issue)
