SAN ISIDRO, LEYTE – Pinaka taas nga pag kondena ang gipakanaog sa Kapolisan og Lokal nga Opisyal sa nahitabong pag pamosil sa Brgy. Daja Diot, San Isidro, Leyte niadtong buntag sa Pebrero 24.
Ang mga biktimang namatay giila nga sila si Kapitan Elizalde Tabon, Kagawad Paulo Al Mindero og ang Tanod nga si Rusty Salazar ug may naigo pang usa ka sibilyan nga gidala sa hospital aron matambalan. Wala mailhi ang upat ka lalaking suspitsado ug wala usab matino ang matang sa armas nga gigamit.
Nunot niini ang Leyte Provincial Police Office pinaagi kang PCOL Erwin I. Portillo namahayag nga, “We recognize the significance and gravity of this incident and assure the public that we are taking it very seriously.”
Matod pa nga dunay panag tigum niadtong higayona sa Barangay Hall dihang kalit nisulod ang mga suspitsado dayon pamosil nga niresulta sa kamatayon sa mga biktima. Dali usab nga niikyas ang mga suspek sakay sa duha ka single nga motor. Bisan pa sa gipahigayon dayon nga checkpoints ug dragnet operations sa kapolisan lakip ang sa mga kasikbit nga estasyon, wala na nila masakpi kon diin na ni paingon ang mga suspitsado.
Nag dugang na ug personnel ang liderato sa PNP sa Rehiyon Otso para sa 3rd District sa Lalawigan sa Leyte aron pag sulbad sa mga nahitabong krimen ug sa pag tugis sa mga kriminal alang sa kalinaw sa lugar ingon man aron makab-ot ang hustisya sa pamilya.
Nakig lambigit na ang autoridad sa uban pwersa ug lokal nga Kagamhanan alang sa kasulbaran ug siguraduon ang seguridad sa katawhan. “Our primary focus is the safety and security of the residents in San Isidro and other municipalities in the 3rd District of Leyte. We are working tirelessly to apprehend those responsible for these violent acts and put an end to this criminal activity,” dugang pa sa Leyte PNP Director.
Gi awhag usab ang publiko nga likayan ang unsamang espekulasyon ug dili kompirmadong impormasyon nga maka grabi pa hinuon sa sitwasyon, ug maka sabwag pa ug kahadlok labaw sa tanan maka balda sa padayong imbistigasyon. Hinuon mag alerto sa tanang panahon ug i report sa autoridad kon may matikdang kadudahan nga tawo sa ilang mga lugar. Ni Josie Sersena (EV Mail Feb. 26-March 3, 2024 issue)
