ORMOC CITY – Nahi agom sa hinanali niyang kamatayon ang suspek human giingong nisukol ug nakig pinosilay sa autoridad atul sa buy-bust operation niadtong Marso 3 mga alas onse (11:00 A.M.) sa buntag didto sa Purok 4, Brgy. Bagong Buhay ning syudad.
Sumala pa nga base sa listahan o target list usa kini ka top 1 nga high value drug personality sa Regional Police Drug Enforcement Unit (RPDEU). Giila kini nga usa ka Sonny Aldamia alyas “Sonny Vidal,” nag puyo sa Purok 4, Bagong Buhay, Ormoc City.
Napalitan ang suspitsado ug unom (6 grams) ka gramos sa gidudahang illegal nga drogas partikular ang shabu nga nag kantidad ug thirty thousand pesos (PHP30,000.00).
Dugang pa nga dakpon na unta sa autoridad si alyas “Sonny” human sa signal nga positibo ang buy-bust operation; pero nidagan siya sud sa iyang balay ug nakigpinusilay sa mga operatiba gamit ang kalibre .38 nga revolver. Dinhi na nibaws ug paboto ang kapolisan.
Naigo sa bala ang lain laing bahin sa iyang lawas, ug nadala pa sa hospital pero gi diklara nga dead on arrival (DOA).
Nakuha sa kapolisan didto sa crime scene ang napalit nga gidudahang shabu balor ug thirty thousand pesos (PHP30,000.00); apil na ang drug paraphernalia ug mga basiyo sa bala hasta na ang armas nga gigamit sa suspek.
Pag rikisa sa patayng lawas sa suspek, dunay nakuha nga 14 pa ka pakete sa gituhoang shabu ug kwarta. Sa report sa kapolisan ni total sa thirty (30) grams ang nakuha sa operasyon nga dunay kinatibuk-ang kantidad nga kapin sa two hundred thousand pesos (PHP204,000.00). Ni Josie Serseña (EV Mail March 4-10, 2024 issue)
