BAYBAY CITY – Usa ka miembro sa Buhawi Platoon ang nitahan sa kaugalingon sa autoridad, nagdala pa ug armas og bomba.
Kinasing kasing nga gidawat sa mga tigdumala sa 1st Leyte Provincial Mobile Force Company (LPMFC) sa pag panguna ni PLTCOL Wilmer T. Dadia, Force Commander, ang pag surender sa usa ka miembro sa Communist Terrorist Group (CTG) didto sa ilang Headquarters, sa Brgy. Ga-as, ning syudad niadtong Pebrero 21.
Sumala sa report, giila ang nisurender nga si alias “Lando,” 45-anyos, minyo, mag uuma nga nag taga Villaba, Leyte. Nakompirma nga si “Lando” usa ka miembro sa Buhawi Platoon. Dugang sa iyang pagsurender dala usab niya ang kalibre 38 nga pusil, tulo ka bala ug usa ka rifle grenade.
Nag malampuson ang negosasyon sa iyang pagsurender dala ang paninguha sa 1st LPMFC nga pakig tambayayong sa Provincial Intelligence Unit, Leyte Police Provincial Office kauban ang Baybay City Police Station.
Sa pagkakaron si alyas “Lando” gidala na didto sa 1st LPMFC para sa mga pag proseso nga paga himuon og dokumentasyon; aron usab makatagamtam sa mga hinabang ubos sa programa sa gobierno nga Enhanced Comprehensive Local Integration Program o E-CLIP.
Gi aghat sa tibuok kapulisan sa Rehiyon Otso ang mga kaigsuonan nga pilion ang kalinaw ug ilang kinabuhi ug dili mag duha duha pag surender o mo duol sa autoridad pinaagi sa pinaka duol nga estasyon o kampo. Ni Josie Sersena (EV Mail Feb. 19-25, 2024 issue)
