MATAG-OB, LEYTE – Dakpan ang Top 8 nga tigpayohot og illegal nga drogas sa probinsya sa Leyte pinaagi sa buy-bust operation didto sa Brgy. Naulayan, Matag-ob, Leyte mga alas 9:03 sa buntag niadtong Mayo 30.
Ang high value individual (HVI) mao si Cesar Limpiado y Pelayo alyas “Kikoy,” 31 anyos, minyo, walay permaninting trabaho ug lomolopyo sa dapit kon diin siya nasikop.
Nakuha sa iyang posisyon ang onse (11) ka paketi sa gidudahang shabu, lakip na niini ang usa ka gamay nga putos sa drogas nga maoy gipalit sa poseur buyer nga police. Atul sa pag rekisa sa lawas sa suspek narekober usab kaniya ang marked money nga usa ka libo ka pesos (PHP 1,000), ingon man ang paltik nga armas nga calibre 45.
Sigun sa report nikabat ang mga gidudahang illegal nga drogas ug lima ka gramo (5), og nibalor sa traynta mil pesos (PHP 34,000). Gihikay na ang kasong kriminal batok sa suspek partikular ang paglapas sa kasong Comprehensive Dangerous Drugs Act of 2022 o ang sa Section 5 ug Section 11, Article II sa RA 9165, ug ang Republic Act 10591 nga pag baton sa armas nga walay igong dokumento. Kasamtangan nga naa sa kustodiya sa Matag-ob Municipal Police Station si Limpiado. Nanguna sa operasyon ang Matag-ob MPS nga gipangulohan ni Police Major Arturo Salvacion, Jr., kauban ang team gikan sa LPPO-PDEU, ug PDEA-8. Ni Josie Sersena (EV Mail May 29-June 4, 2023 issue)
