ORMOC CITY – Atul sa ika-54 ka tuig nga kasumaran pagka tukod sa New Peoples’ Army kon (NPA) sa nasud, mismong mga kanhi miembro og supporters sa walhong grupo ang nisunog sa bandera sa CPP-NPA nga ilang giila og gitahod sa mga katuigan.
Bitbit ang plakards nag martsa og nag tagbo didto sa covered court sa Brgy. Quezon, Jr. niadtong buntag sa Marso 29 ang mga kanhi supporter sa mga rebelding NPA.
Pipila sa ilang gipahayag ang naka suwat sama sa, “NPA tama na ang panloloko sa tao,” og “yes to peace no to war” ug uban pa.
Matud pa nila kini ang pag pakita nga hingpit na nilang biyaan ang unsaman ang ilang kalambigitan sa grupo; nga kapin na sa lima ka dekada nang nakig bisog kontra sa gobierno.
Gani pormal silang nihural og nanumpa atubangan sa katawhan og mga opisyales sa ahensya diin gihangop sila isip mga miembro sa Ormoc City Integrated Peace and Development Workers Federation. Andam silang tabangan pinaagi sa mga programa sa LGU og mga ahensya lakip na ang TESDA nga andam silang ipa ilawom sa training; alang sa ilang panginabuhian paingon sa hingpit nga pag bag-o.
Ang mga nahisgutang mass supporters nga nag “lie low” og na rescue gikan sa Communist Terrorist Group nga nisalmot sa kalihukan naga gikan sa mga barangay sa Gaas, Lake Danao, Guintigui-an, Donghol, Nadongholan (District 29), Boroc, Hugpa og Quezon, Jr.
Usa kanila nga nahinabi sa EV Mail mao si Emma Reuban nga taga Brgy. Boroc nagkanayon nga gusto na iyang pamilya ang magpaka buhi sa minatarong nga paagi, kay saop lang sila sa yuta sa dugay nga panahon. Diin didto sa bukid kanunay silang duolon hangtod nga nadani sila kay siya man ang tighatag kon mangayo og tubig o kaha pagkaon ang mga NPA. Si UCCP Pastor Alfredo Tinio nanawagan sa tinud-anay nga kahiusahan sa katawhan ug gipasalamatan ang programa sa NTF-ELCAC. Nanghinaot usab siya nga ning administration ni Presidenti Marcos hingpit nang mapapas ang NPA hilabi na nga nipanaw na ang mga haligi og wala pay gipuli aton mangulo sa grupo. Ni Josie Sersena (EV Mail March 27-April 2, 2023 issue)
