Dear Atty. Golo,
Sa miaging mga “valentines” naka kwarta ko kay ako man ingnon nga imbis buwak ang ipada diri nako sa akong mga “admirer,” e gcash na lang. Daghan sud ako ATM. Pwera buyag, gwapa kaayo ko, liwat ko ni Lola. Peru, pagpabadlis naho niadtong Meyerkules, giingnan ko nga sa abog kono ko gikan, sa abog pod ko pauli, tinood? Masayang lang ang akong “beauty” kay balik man sa abog. Mahadlok ko og abog kay hugaw. Kadtong nangamatay na, naguol to sila? Naguol jud ko, hu..hu..
SanaSexyPermi,
Melanie
Dear Melanie,
Ayaw kahadlok. Ayaw kagu-ol. Pasalamat kanunay sa Guinoo kay gwapa ka. Pasalamat pod sa imo Lola nga liwat ka niya. Iapil pod ang imo Mama kay pag-utong nimo iya giagwanta. Hasta imo Papa, pasalamati kay giligwat ka niya. Sugod na ang kwaresma, maghinulsol na ta. Inig kamatay sa tawo, ang lawas mobalik sa abog, apan ang kalag mobalik sa Guinoo (Ecc.12:7). Ambot lang kon naguol ba ang mga nangamatay. Peru, kon tan-awon nimo ang kalabera, puro man nagngise, he..he..
Imo friend sa SB,
Kuya Manny (EV Mail Feb. 5-11, 2024 issue)
