ORMOC CITY – Samaran ang lalaking 57 anyos human gisanggot sa iya rapod nga higala og kainum. Ang biktima giila nga si Eduardo Catapon, usa ka mag uuma og nag poyo sa Sitio Tangnan, Brgy. Boroc ning dakbayan.
Ang suspek mao si Melchor Teves o nailhan sa agnay nga “Choychoy,” hingkod ang edad og molopyo sa nahisgutang barangay. Pagka human sa krimen dali kini nga niikyas palayo sa lugar.
Nahitabo ang pag panigbas niadtong Julyo 25 mga alas 4:00 ang takna sa hapon kapin kon kulang didto sa Sitio Tarangnan, Brgy. Boroc. Ang kapolisan sa Police Station 6 maoy ni respondi og nag imbistigar sa nahitabo.
Matud pa nag inum ang duha ka manag higala ug dihang nanga hubog nag away kini, gihagit sa suspek og sumbagay ang biktima. Nalupig si Teves (suspek) og niuli aron diay magkuha og sanggot; apan nakit-an ni Catapon (biktima) og nailog ang dala nga hinagiban.
Nidagan ang suspek og sa pag balik niini nag bitbit na og mas dako nga sanggot, dayon tigbas sa biktima diin naigo kini partikular sa olo og likod. Nag pa higayon og “hot pursuit” ang autoridad alang sa posibling pagka dakop sa suspitsado aron manubag sa krimen. Ni Josie Sersena (EV Mail July 24-30, 2023 issue)
