ORMOC CITY – Ang kalampusan sa tuig 2022 og malungtaron nga mga plano alang sa 2023 ug mo sunod pang katuigan maoy gibutyag atul sa ika 42nd Annual General Membership Meeting (AGMM) niadtong Julyo 8 sa LEYECO V Main Office, Brgy. San Pablo ning dakbayan.
Ang tema ning tuiga mao ang, “Marking the legacy of rural electrification: Elevating EC contribution in national sustainable development.”
Sa panag tigum nahimong pinasidunggang dinapit ang Representanti sa 3rd District sa Lalawigan sa Leyte nga si Hon. Anna Victoria Veloso-Tuazon. Iyang gipa himog atan ang ka mahinungdanon sa renewable energy.
Gihatagan usab sa pasidungog ang mga top (prompt) payor, mga top performing barangays og uban pa. Ingon man ang pag aproba sa 177 ka resolution.
Sa mensahi ni LEYECO V General Manager Atty. Jannie Ann J. Dayandayan, CPA, gipasabot niya nga usa sa kalampusan usab sa nilabay nga tuig mao ang pag kab-ot sa Certification for the International Organization for Standardization (ISO), partikular ang 9001:2015 Certification nga may kalabotan sa Quality Management System. Naka kuha pod ug mga pasidungog ang LEYECO V gikan sa NEA atul sa 2022 Golden Dagitab Awards, og sa PHILRECA Awards from the Wires.
Labaw sa tanan namintinar sa kooperatiba ang Triple A Categorization sa tuig 2022. Kini ug ang uban pang kalampusan nakab-ot sa LEYECO V pinaagi sa pag tinabangay sa mga Board of Directors, sa management, mga empleyado, ug hilabi na ang partisipasyon sa mga miembro tag konsumo, og LGUs.
Malaumon ang LEYECO V nga mapadayon ang paghatag sa luwas ug barato nga supply sa koryenti ug ang kasiguruhan nga prioridad ang mga member-consumer. Sa 2022 ang billed customer niabot sa 1,799,547, ug apil sa gimbuhaton sa 2023 mao ang pag pangandam sa pag saka sa demand nga makunsomo unya nga koryenti. Sanglit gidamhan na ang pag daghan sa bag-ong magpa taod, lakip na ang pinaagi sa programa sa NIHE. Ni Josie Sersena (EV Mail July 3-9, 2023 issue)
