ORMOC CITY – Bisag idlas pero human sa pag paniid na aktohan ra gyud sa kapolisan sa Ormoc si alyas “Lollipop,” nakuhaan pa ug kapin kon kulang sa 55 gramos sa gidudahan nga illegal nga drogas kon shabu.
Arestado ang suspek nga ginganlan ug Renee Parilla y Montezo alyas “Lollipop,” 47 anyos, ug nag puyo sa Purok 3, Bagong Buhay, Ormoc City.
Ang hiniusang pwersa sa PNP DEG, PNP-OCPO Station 4, RIU8 kauban ang PDEA8-Ormoc City Office nag lunsad ug buy-bust operation didto sa Purok 3, Brgy. Bagong Buhay, Ormoc City, Leyte niadtong Pebrero 7 mga alas 8:09 sa gabie.
Nakumpiska gikan sa posisyon sa suspek ang unom (6) ka sachets sa gidudahang shabu nga gibana-bana nga dunay timbang nga 55.3 gramos. Ang estimated market value niini mokabat sa three hundred seventy nine pesos (PHP 379,000.00). Nakuhaan pa syag uban pang mga drug paraphernalia. Mag atubang si alyas “Lollipop” sa kasong paglapas sa Comprehensive Dangerous Drugs Act of 2002 o ang Republic Act 9165. Ning pag balita temporaryong naka ditinir na ang suspitsado sa Ormoc City Police Station Lock-Up Facility. Ni Josie Sersena (EV Mail Feb. 5-11, 2024 issue)
