KANANGA, LEYTE – Mga kabataan na pod sa lungsod sa Kananga ang benepisyaryo sa misyon sa Filipino Needy Children Fund Inc. (FNCFI).
Niadtong Junyo 25, mga 600 ka mga chikiting gikan sa mga barangay sa Tagaytay, Sto. Domingo og Libertad ang naka dawat og regalo sama sa pagkaon gikan sa sikat nga fast-food chain, tsinelas, ice cream og uban pa.
Gipangulohan ang nasangpit nga foundation gikan sa Australia nga si Ms. Rachel Bessant ug mismong si Kananga Mayor Matt Torres ang nitabang sa mga volunteers pag distribute ngadto sa mga bata. Mapasalamaton ang Mayor sa kanunay nga pag bisita sa grupo sa iyang lungsod aron mohatag og kalipay sa kabataan sa kabarangayan.
Usa ka balikbayan nga si Ms. Marlene Harkness nang lugmaw pa ang luha (teary eyed) sa kalipay nga nag sud-ong sa mga bata. Saad nila nga sunod pa nga mga tuig mobalik gihapon sila sa Kananga, sa laing barangay na usab.
Sumala pa ni Ms. Bessant nga niduaw pod sila sa nasunogan sa Brgy. Lake Danao sa Ormoc aron paghatag og hinabang. Niadto na pod sila sa uban pang lugar sa Pilipinas aron pag hatag ug pagkaon og daghan pa alang sa mga bata. Ni Josie Sersena (EV Mail June 26-July 2, 2023 issue)
