ORMOC CITY – Pormal nang giablihan sa publiko ang Alagang Tingog Center (ATC) nga nahimotang sa Brgy. Cogon ning dakbayan niadtong Abril 29.
Mismong si Tingog Partylist Representative (2nd Nominee) Hon. Jude Acidre kauban si Hon. Ina Larrazabal Gimenez (Tanauan ABC President), mga Mayor sa 4th District sa Leyte nga sila si Hon. Sixto Dela Victoria (Albuera), Hon. Ramon Oñate (Palompon) og Hon. Bernie Tacoy (Matag-ob), Cogon Barangay Captain Danda Codilla ang nanguna sa ribbon-cutting.
Niduyog usab sa celebrasyon ang ubang Barangay Captain sa Ormoc og sa 4th District sa Leyte. Sa maong okasyon bida sa programa ang pag hatag sa mga serbisyo ngadto sa beneficiaries sama sa pag payout sa TUPAD (cash for work), livelihood pinaagi sa Nego-Cart, ug ang AICS para sa transport group nga apiktado ang kita sa padayong pag taas sa krudo/gasolina.
Ang ATC-Ormoc moay moasikaso sa katawhan nga nanginahanglan sa hinabang sama sa Medical Assistance, Burial Assistance, Educational Assistance, Livelihood ug uban pa. Gikalipay sa mga liderato sa kalungsoran ang pag bukas sa centro sanglit dili na kinahanglan moadto pa sa dakbayan sa Tacloban aron makakuha sa mga hinabang o ayuda sa ahensya sa gobierno, kay gipa duol naman sa komunidad pinaagi sa Tingog Partylist. Gipasabot sa ATC-Ormoc City nga mahimong bisitahon ang ilang FB page nga Tingog Partylist-Ormoc alang sa dugang kasayoran sa mga programa. Ni Josie Sersena (EV Mail May 1-7, 2023 issue)
