ORMOC CITY – Bag-o na ang Commander sa Philippine Coast Guard (PCG) sa Rehiyon Otso pinaagi sa Change of Command Ceremony niadtong Oktobre 26.
Si CG Captain Romeo P. Pulido, Jr. (GSC) usa ka produkto sa Philippine Military Academy Class 1991. Gikan siya sa kauluhang opisina sa PCG diin nadistino siyang pangulo sa operasyon (CG3).
Iyang gipolihan si CG Commo Marco Antonio Gines ug nahimong Presiding Officer sa okasyon si CG Radm Roy A. Echeverria, Commander, Maritime Security Law Enforcement Command.
Importanti kang Commander Pulido ang kooperasyon sa katawhan og pag tinabangay diha sa komunidad. “I implore the cooperation of the people in the community,” pulong pa niya sa EV Mail dihang na interview niadtong Nobiembre 3. Nag offer ang PCG-EV og training sa mga grupo, partikular kadtong naa sa quick and emergency response sama sa DRRM sa LGUs. Pakusgon pod ang volunteers og Auxiliaries sama sa PCGA.
Samtang, gidasig pod ni Coast Guard Captain Pulido ang mga personnel pag tuman sa ilang mandato; ang pag serbisyo nga puno sa gugma og kalipay. Labi na usab ang mga giya ni CG Admiral Artemio M. Abu, ang Commandant sa Coast Guard sa nasud nga “tapat ug sensiro.” Gipasalamatan pod ni Capt. Romeo Pulido ang liderato sa PCG sa suporta, pag salig ug kahigayonan nga maka serbisyo siya sa katawhan sa Eastern Visayas.
Dugang pa niya nga hatagan niyag gibug-aton ang implementasyon sama sa maritime safety, maritime security, environmental protection ug search and rescue og daghan pang uban. Diha sa pag siguro sa kaluwasan sa kinabuhi diha sa kadagatan og uban pang trabahuon kaabag sa PCG ang K9 dogs uban sa mga gibansay nga personnel isip handlers.
Importanti pod kaniya ang himsog nga pang lawas sa mga personnel para sa best service delivery. Gimando pod niya ang kanunay nga kalimpyo, nga mag binantayon gihapon kontra Covid-19 og karong bag-o ang Cholera. “We cannot deliver kung hindi healthy,” pahayag pa sa Komander.
Ang mga iro nga K9 sa Philippine Coast Guard taas og kapasidad pag kilatis bisan sa illegal nga drogas o bomba. Gani na suwayan kini sa aktual sa milabay nga simana diin may insidenti sa napalgan nga karaan nga unexploded bomb silang narespondihan sa usa ka coastal barangay sa Ormoc.
Ubos pod sa iyang pag dumala dinhi palig-onon niya ang humanitarian sa gitawag og sea-going force. Iyang gipaninguha nga mag pabilin sa jurisdiction ang barko nga BRP Cabra, sanglit dako kini og gamit labi na panahon sa kalamidad sa pag dala sa relief goods ug construction materials. Apil na ang dako nga PCG Bus para dugang asset nga magamit sa deployment og pag respondi gihapon. Ang Eastern Visayas maoy sagad bisitahon sa kusog nga bagyo kada hinapos sa tuig. Ni Josie Sersena (EV Mail October 31-November 6, 2022 issue)
