BAYBAY CITY – Sikop ang usa ka High Value Individual (HVI) sa gikasa nga buy-bust operation sa autoridad didto sa Zone 22, niadtong Abril 19.
Ang suspitsado giila lang sa alyas “Dick”, 36 anyos, taga Sitio Sto. Niño Zone 1, dakbayan sa Baybay.
Gawas sa 12 ka paketi sa gidudahang illegal nga drogas o shabu nga nitimbang sa tolo ka gramos og ni balor sa PHP 20,000, nakompiska pod gikan sa suspek ang armas nga cal. 45 ug may sulod nga pito ka buhing bala. Ingon na usab ang buy-bust money nga usa ka libo ka pesos, apil ang cash nga PHP 7,201 ug kagamitan sama sa keypad nga cellphone, lighter, foil ug uban pa.
Sumala pa mga operatiba nga nalista kini isip naa sa Top 4 nga Priority Target sa Rehiyon Otso. Nag atubang ang suspek sa kasong pag lapas sa Section 5 ug Section 11, Article II sa RA 9165 o Comprehensive Dangerous Drugs Act of 2022, ug RA 10591 o Comprehensive Firearms and Ammunition Regulation Act. Sa mensahi ni Leyte Provincial Police Office Director PCOL Edwin C. Balles sa kapolisan, gidayg niini ang ilang didikasyon sa trabaho labi na ang pagtugis sa mga tig pa maligaya sa illegal nga drogas. Ni Josie Sersena (EV Mail April 17-23, 2023 issue)
