ORMOC CITY – Dunay pag us-os sa presyo (power rate) sa koryenti sa bulan sa Pebrero ubos sa mga lugar nga gi serbisyohan sa LEYECO V.
Sa gipa abot nga kasayoran sa LEYECO V, gi kompirma niini nga dunay “PHP 1.5063 decrease of Power Rate for February 2024.”
Dugang pa sa Kooperatiba nga epektibo kini sa February billing. Ang maong pag ubos nga PHP 1.5063 per kWh resulta kini sa kinatibok-ang total sa PHP 10.7857 per kWh para sa kasarangan o ang gitawag nga typical household; diin gikan sa PHP 12.2920 rate per kWh sa bulan sa Inero ning tuiga.
Samtang sa residential consumers nga mo konsumo ug 100 kWh, kini nga pag kunhod maka baton sa savings nga PHP 150.00. Nagkanayon pa ang LEYECO V nga ang nasangpit nga pag us-os sa bulan sa Pebrero tungod usab sa pag ubos sa “generation cost” ingon man pag decrease sa transmission cost sa National Grid Corporation of the Philippines (NGCP) nga nag dala sa giingong Ancillary Services Charge.
Pero bisan paman sa pag kunhod sa presyo sa koryenti, sa gihapon ang LEYECO V nag awhag sa mga miembro o MCO nga padayon ang pag dumala nga ma tarong ang konsumo sa electricidad, pinaagi sa pag adoptar sa gitawag nga “energy-saving practices.”
Pag himo og lakang o simpling stratihiya, sama pananglit sa pag disconnect sa mga kagamitan, gadgets og appliances kon wala gamita. Sa ingon niini nga paagi makita gyud ang resulta nga pag kubos sa electricity bill. Ni Josie Sersena (EV Mail Feb. 5-11, 2024 issue)
