MATAG-OB, LEYTE – Usa ka balaodnon ang giomol sa Local nga Kagamhanan sa Matag-ob ubos sa liderato ni Mayor Bernie Tacoy og Vice Mayor Vincent Tacoy, diin ang matag aplikanti sa kasal sibil nga mag tisok usa og tanom sa dili pa kaslon hilabi na kon ang amahan sa lungsod ang mo administer sa ceremonyas.
Isip kabahin sa gipanday nga Ordinansa, gipahigayon ang Public Hearing niadtong Abril 5, diin gilatid nga kon hingpit na kining mahimong lokal nga balaod, kada pares (couple) sa kaslonon nga Matag-obanon usa sa mga requirements sa Local Civil Registrar (LCR) nga kada aplikanti mag tanom og 10 ka seedlings. Ang “Tree Planting” adto pagahimuon sulod sa watershed area.
Paga tawagon kini nga Proposed Municipal Ordinance No. 168 s. 2023 nga si Hon. Romeo N. Albarida maoy author, “An Ordinance setting forth the planting of trees as an additional requirement to the Marriage License Application in the Local Civil Registrar’s Office of the Municipality of Matag-ob, Leyte and for other purposes.” Ang planting materials o seedlings e-provide sa LGU.
Pag lingkod ni Mayor Bernie G. Tacoy isip Mayor sa Matag-ob, maka pila maobserbahi ang mga kaslonon nga nag dungan sa tree-planting sa pili nilang lugar. Usa usab kini sa iyang adbokasiya gani sa iyang 51st Birthday liboan ka mga seedlings ang gitisok sa nagka lain laing areas sa lungsod nga gipasiugdahang Tree Planting activity sa BGT Foundation. Sumala pa sa Mayor nga nahuna-hunaan niya kini nga ideya aron duna silay handomanan sa ilang pag sulod sa salag sa kaminyoon. Mahimo nilang bisitahon aron tan-awon kon na buhi og nitubo, dungan sa pag lambo usab sa ilang pamilya. Ika pasigarbo pod nila sa mga anak ang sinugdanan sa ilang gipanumpaan nga pag minahalay, labaw sa tanan ang ilang kontribusyon pag amoma sa kinaiyahan. Ni Josie Sersena (EV Mail April 10-16, 2023 issue)
