ORMOC CITY – Bisita ning siyudad niadtong Inero 5, 2023 ang usa sa mga tinamod nga langyaw nga opisyal sa natad sa serbisyo publiko.
His Excellency (H.E.) Francis Peter T. Kell, New Zealand Ambassador to the Philippines, ang nidu-aw sa siyudad partikular sa Eastern Visayas State University (EVSU) – Ormoc City Campus pinaagi kang Dr. Gerry B. De Cadiz, EnP, ang Campus Director sa Unibersidad. Gikalipay pod sa Ambassador ang panag himamat nila ni Ormoc City Mayor Lucy Torres Gomez og Fourth District of Leyte Representative Richard Gomez.
Apil sa mga mahinungdanong butang nga ilang gihisgotan ni Director De Cadiz ang pag palambo pa sa edukasyon pinaagi sa mga oportunidad ingon man ang kalabot sa climate change og renewable energy. Gani gi bisita pod ni Ambassador Kell ang Energy Development Corporation (EDC) nga usa sa nailhan nga gigikanan sa geothermal energy. Sa simpling pinulongan nga binisaya iyang gipaabot ang katuyoan sa iyang pag bisita; nga diin masiguro ang maayong relasyon sa New Zealand og Pilipinas labi na sa Ormoc City. Gidayig sad niya ang katam-is sa pinya sa Ormoc nga gipasigarbong produkto dinhi. Ni Josie Sersena (EV Mail January 2-8, 2023 issue)
