MERIDA, LEYTE – Patay ang suspitsado atul sa buy-bust operation nga gilunsad sa operatiba sakop sa Police Regional Office 8 (PRO-8) og PDEA 8 didto sa Brgy. Poblacion, lungsod sa Merida, Leyte mga alas 4:40 sa hapon niadtong Marso 21, 2023.
Si PCOL Reydante Atiza, hepe sa Regional Intelligence Division sa PRO-8, niila sa napatay nga usa ka “Rod” Maraviles; hingkod ang panuigon og residenti sa Brgy. Libertad, Ormoc City. Top 2 siya sa Regional Drug Priority Target sa PNP og PDEA sa Rehiyon Otso ug listado nga usa ka High Value Target (HVT).
Sumala pa ni COL Ariza nga dihang nakapalit ang poseur buyer ngadto kang alyas “Rod” og usa ka paketi sa gidudahang shabu sa kantidad nga traynta mil pesos (PHP 30,000), gideklara na unta ang pag aresto sa suspek. Apan naka matikod kini nga police na diay ang iyang gika transaksyon, ug ni hulbot kini og armas; hinungdan nga nibaws ang mga autoridad diin naigo siya sa nagka lain laing parti sa lawas. Gidali kini pag dala sa ODH pero Dead On Arrival na kini sa nahisgutang pampublikong tambalanan.
Ang nasangpit nga operasyon gipahigayon sa hiniusang pwersa sa Regional Police Drug Enforcement Unit pinangulohan ni PMAJ J-Rale Oaalisbo kauban ang Merida Police Station sa pag panguna ni PMAJ Ian Salvador Po ubos sa koordinasyon sa PDEA. Nag awhag ang autoridad sa kooperasyon sa kabarangayan nga ireport ang mga nalambigit sa illegal nga aktibidad labi na ang illegal nga drogas. Ni Josie Sersena (EV Mail March 20-26, 2023 issue)
