ORMOC CITY – Sa kagustohan nga dili na ma problema ang iyang pamilya tungod sa walay kaayohan nga balati-an, nag hunos sa kaugalingong kinabuhi ang usa ka byudo.
Ang biktima nailhan nga si Edmund Lopez, 57 anyos, taga Brgy. Esperanza, Ormoc City.
Marso 20, 2023 dihang napalgan kini sa iyang anak didto sa kaugalingon nga lawak, nga nagbitay na, gamit ang extension wire. Gitang-tang sa iyang anak aron maubos sa pamasin nga marevive pa. Pero nasuta nga wala na gyod kini kinabuhi.
Sigun sa imbistigasyon sa Police Personnel gikan sa Police Station-3 nga matud pa kanunay kining mo hisgot sa iyang kabanay nga maayo pag maghikog kaysa mag antus sa iyang sakit. Dugang pa nga gilisdan na siya sa iyang kahimtang partikular sa dila niini nga nidako tungod sa cancer og wala nay kaayohan.
Gihangyo ang taga SOCO aron ma proceso ang crime scene. Matud sa autoridad nga dako og pahat ang suporta sa pamilya labi na kon dunay miembro nga may gihambin nga sakit; aron malikayan ang pang hitabo nga ingon niini. Ni Josie Sersena (EV Mail March 20-26, 2023 issue)
