BAYBAY CITY – Usa ka mahinungdanon nga adlaw ang Octobre 11 alang sa mga pamilya nga namatayan og ang na “missing” tungod sa bagyong ‘Agaton’, partikular ang mga taga Baybay City.
Insaktong unom ka buwan niadtong adlawng Martes niabot ang mga taga PAGCOR kauban ang representanti sa PHCARES ‘Pamayanang Handa’ alang sa Distribution of Cash Assistance nga gipahigayon sulod sa Baybay City Gym.
Nauna na silang nibisita ni City Mayor Jose Carlos Cari sa opisina niini.
Ang programa gipasiugdahan usab sa LGU-Baybay diin nag representar si Vice-Mayor Ernesto Butawan; samtang ang mga bisita gipangulohan nila Peaches T. Pasion, President, Pamayanang Handa- PHCARES, ug Ferdinand Marcos M. Amador II, Senior Public Assistance Officer, CRSD-PAGCOR.
Niabot sa 184 ka mga benepisyaryo nga naka dawat sa hinabang nga tag PHP 30,000 matag usa, kansang ginikanan o kabanay ang nipanaw og nahanaw tungod sa bagyong ‘Agaton’ nga niigo sa lugar niadtong Abril 10 ning tuiga.
Sumala pa ni Ms. Pasion nga ang kapikas nga si Mr. Elmer Francis “Jun” Pasion human sa pag bisita dinhi sa Leyte niadtong Abril para sa relief operation, maoy nahimong instrumento pag duol sa PAGCOR sa pag pangulo ni Chairman and COO Alejandro Tengco ang ni request para sa pamilya sa mga biktima.
Si Mr. Pasion ang Chairman and CEO sa Pamayanang Handa-PHCARES. Siya usab ang kasamtangang Pangulo sa Rotary Club of Pasay Cyber City.
“Laban lang po,” maoy unod sa mensahi ni Peaches Pasion para sa mga beneficiaries og kanunay silang iapil sa panalangin. Dugang pa niya nga sayod sila sa kagamay ra sa kantidad nga gi apod-apod apan unta maka tabang kini nga maka panukad sila. “Sana magamit sa tama,” dugang pa niini.
Si Toto Amador pod ni paabot sa paha subo, “buong puso kaming nakikiramay” ug kini ang nahuna-hunaan nila nga paagi maibanan man lang og gamay ang kaguol gikan sa dili maka limtan nga bangungot.
Usa sa mga nakadawat mao si Rogelio Managbanag, Jr., 26 anyos, olitaw nga taga Brgy. Kantagnos, Baybay City. Nawad-an siya og mga ginikanan og miembro sa pamilya human natabonan sa lapok ang ilang pinoy-anan. Niuli siya gikan sa Manila nag trabaho, og matud niya nga sakit man ang hitabo pero wala siyay mahimo kon kabahin kini sa ilang kapalaran. Sa iyang pag dawat sa maong financial assistance igo nalang siya pag handom nga mas maayo unta kon buhi pa ang iyang mga ginikanan og pamilya. Samtang si Vice-Mayor Butawan nag kanayon nga dyutay man ang kantidad para sa pamilyang padayon nag bangutan gumikan sa trahedya, pero kinahanglan na mag padayon sa kinabuhi. Ni Josie Sersena (EV Mail October 10-16, 2022 issue)
