ORMOC CITY – Arestado ang usa ka naka lista isip High Value Individual (HVI) og iyang kauban human makuha-i og illegal nga drogas balor og 2.9 million ka pesos; ingon man ang duha ka armas atul sa buy-bust operation sa Purok 4, Brgy. Naungan niadtong Marso 9, 2023.
Ang mga suspitsado nga parehong nag puyo sa Brgy. Naungan mao sila si Erwin Apuya, 40, taga Purok 4, mananagat kinsa nalista sa Top 10 sa PDEA og PNP RO-8. Nakuhaan siya sa gipalit nga gidudahang shabu sa kantidad nga PHP 20,000. Ka konsabo niya si Clier John Tolibao, 35, taga Purok 1 og usa ka laborer. Nakuhaan pod kini sa duha ka gagmay nga paketi sa gidudahang shabu.
Narekober usab sa ilang posisyon sa nasangpit nga operasyon ang kagamitan sa illegal nga aktibidad apil na ang 12 ka paketi apil ang gipalit, duha ka pistola (cal. 45 og revolver), usa pa ka bundle sa gituhoang shabu, cash nga dos sientos pesos (PHP 200.00), cellphone og uban pa.
Gibana bana nga motimbang sa 430 grams ang nakuha kanila, og nag kantidad sa PHP 2,924, 000. Kasong paglapas sa Sec. 5 og Sec. 11, Article II sa Republic Act 9165 og ang Sec. 28, Art. V sa RA 10595 o ang Comprehensive Fire Arms and Ammunitions Act. Si PCPT Petronio Piangco III maoy nangulo sa onsite inspection; samtang ang mga operatiba gilangkuban sa personnel sakop sa Police Station-4, kauban ang RPDEU-8, 121SAC, 12SAB, PNP-SAF, CIU/CDEU-OCPO, ug OCMFC-OCPO. Ni Josie Sersena (EV Mail March 6-12, 2023 issue)
